IPL 2024 Playoffs| जागा दोन दावेदार तीन, कोणाच लागणार सीट?

IPL 2024 Playoffs|आयपीएल 2024 चा रणसंग्राम आता अखेरच्या टप्प्यात आला आहे. साखळी फेरीतील अवघे पाच सामने शिल्लक असताना अजूनही दोन संघ प्ले ऑफमध्ये पात्र ठरण्यापासून दूर आहेत. आतापर्यंत केवळ कोलकाता नाईट रायडर्स व राजस्थान रॉयल्स हेच संघ तिथपर्यंत पोहोचलेत. उर्वरित पाच सामन्यांमधून कोणते दोन संघ प्ले ऑफ्स खेळणार हे स्पष्ट होईल.

राजस्थान रॉयल्स विरुद्ध पंजाब किंग्स यांच्या दरम्यानच्या सामन्यानंतर कोलकाता नाईट रायडर्स यावर्षी पॉईंट्स टेबलमध्ये पहिल्या क्रमांकावर राहणार असल्याचे निश्चित झाले आहे. कारण सध्या त्यांच्या नावे 19 गुण असून, आता इतर कोणताही संघ 18 गुणांपर्यंतच पोहोचू शकतो. सध्या राजस्थान रॉयल्स 16 गुणांसह दुसऱ्या स्थानी असून, त्यांचा केवळ एक सामना शिल्लक आहे. त्यामुळे त्यांचे प्ले ऑफमधील स्थान पक्के झालेय.

If RCB Vs CSK turns out to be a knockout match:

– RCB will need to win by 18 runs or chase in 18.1 overs to surpass CSK's NRR. pic.twitter.com/GCtEEx0OCu

— Mufaddal Vohra (@mufaddal_vohra) May 12, 2024

गुणतालिकेत सध्या सनरायझर्स हैदराबाद संघाचे पारडे सर्वात जड आहे. त्यांचे दोन सामने शिल्लक असून ते स्पर्धेतून यापूर्वीच बाहेर पडलेल्या गुजरात टायटन्स व पंजाब किंग्स यांच्याविरुद्ध आहेत. तसेच ते दोन्ही सामने घरच्या मैदानावर खेळत असल्याने त्यांच्याकडे दुसऱ्या क्रमांकावर जाण्याची मोठी संधी असेल. त्यामुळे त्यांचे अधिकाधिक 18 गुण होतील. संघाचा सध्याचा फॉर्म पाहता ते कमीत कमी एक सामना जिंकून प्ले ऑफ्समध्ये प्रवेश करण्याची दाट शक्यता आहे.

साखळी फेरीतील अखेरच्या दिवशी चेन्नई सुपर किंग्स व रॉयल चॅलेंजर्स बंगलोर यांच्यातील सामना सर्वात महत्त्वाचा असेल. कारण, या सामन्यातून आपल्याला चौथा प्ले ऑफ संघ मिळेल. सध्या चेन्नई चांगल्या रनरेटमुळे आरसीबीच्या पुढे आहे. या सामन्यात चेन्नई एका धावेने जिंकली तरी ते प्ले ऑफ्ससाठी पात्र ठरतील. दुसरीकडे आरसीबीला धावांचा पाठलाग करताना (जर चेन्नईने 200 धावा बनवल्या तर) 18.1 षटकात विजय मिळवावा लागेल. त्यांनी प्रथम फलंदाजी केली तर चेन्नईवर 18 धावांनी विजय मिळवण्याचे लक्ष त्यांच्या समोर असेल.

या सर्व समीकरणांचा विचार केल्यास, सध्या तरी कोलकाता व राजस्थाननंतर हैदराबाद हा प्ले ऑफ्सचा तिसरा संघ दिसून येत आहे. तर चौथ्या स्थानासाठी सीएसके व आरसीबी यांच्यात चिन्नास्वामी स्टेडियमवर शनिवारी युद्ध रंगेल. या सामन्यात सीएसकेचा पराभव झाल्यास व ते पुढील फेरीसाठी पात्र न ठेवल्यास हा एमएस धोनी याच्या कारकिर्दीतील अखेरचा सामना ठरू शकतो.

(Scenario Of IPL 2024 PlayOffs CSK RCB And SRH In Contention)