Man City चा Premier League विजेतेपदाचा चौका! आर्सेनलचे स्वप्न भंग

इंग्लिश प्रीमियर लीग 2023-2024 हंगामाची रविवारी (19 मे) समाप्ती झाली. अत्यंत अटीतटीच्या राहिलेल्या या स्पर्धेत अखेरच्या दिवशी मँचेस्टर सिटी (Man City) संघाने वेस्ट हॅमवर 3-1 असा विजय मिळवत विजेतेपदावर नाव कोरले. हे त्यांचे सलग चौथे विजेतेपद ठरले. संघाचे मॅनेजर पेप गॉर्डीओला यांच्या मार्गदर्शनाखाली संघाने ही चारही विजेतेपदे पटकावली आहेत.

FOUR-IN-A-ROW!!!!

We're @premierleague champions 🏆🏆🏆🏆 pic.twitter.com/blRyxjPqJB

— Manchester City (@ManCity) May 19, 2024

हंगामाच्या अखेरच्या दिवशी मँचेस्टर सिटी आणि पार्सल हे दोन्ही संघ विजेतेपदाच्या शर्यतीत होते. आर्सेनलने एव्हर्टनवर 2-1 विजय मिळवला. मात्र, त्यानंतर मँचेस्टर सिटी पराभूत होण्याची प्रार्थना त्यांना करावी लागणार होती. परंतु, फिल फोडेन (Phil Foden) याच्या दोन गोलच्या जोरावर सिटीने वेस्ट हॅमला डोके वर काढू दिले नाही व विजय साकार केला. त्यांच्याकडे या सामन्याआधी असलेली एका गुणाची आघाडी निर्णायक ठरली. यामध्ये आर्सेनल कमनशीबी ठरल्याने त्यांना दुसऱ्या क्रमांकावर समाधान मानावे लागले.

(Manchester City Won Premier League 2023-2024 Fourth Consecutive Time)