डेव्हिड विझेचा आंतरराष्ट्रीय क्रिकेटला गुडबाय! दोन देशांसाठी खेळत गाजवली कारकिर्द, पाहा जबरदस्त आकडेवारी

David Wiese Retirement|टी20 विश्वचषक 2024 (T20 World Cup 2024) स्पर्धेतील नामिबिया संघाचे आव्हान संपुष्टात आले आहे. इंग्लंडविरुद्ध अखेरच्या साखळी सामन्यात त्यांना 41 धावांनी पराभव पत्करावा लागला. या पराभवासह नामिबिया संघाचा दिग्गज अष्टपैलू डेव्हिड विझे (David Wiese) याने आंतरराष्ट्रीय क्रिकेटमधून निवृत्तीची (David Wiese Retirement) घोषणा केली. त्याने आपल्या बारा वर्षाच्या आंतरराष्ट्रीय कारकीर्दीत दक्षिण आफ्रिका (David Wiese South Africa) व नामिबिया (David Wiese Namibia) संघांचे प्रतिनिधित्व केले.

David Wiese – The Legend of Namibia Cricket.

– THANK YOU, DAVID WIESE..!!!! 🙌 pic.twitter.com/TiuV3d34rG

— Tanuj Singh (@ImTanujSingh) June 15, 2024

मध्यमगती गोलंदाजी तसेच आक्रमक फलंदाजी करण्यासाठी विझे ओळखला जातो. त्याने दक्षिण आफ्रिकेसाठी 2012 मध्ये टी20 व 2015 मध्ये वनडे पदार्पण केले. मात्र, दक्षिण आफ्रिका क्रिकेट बोर्डातील वादांमुळे 2016 मध्ये त्याने कोलपॅक करार स्वीकारत ससेक्स काऊंटीसोबत केला. तसेच तो जगभरातील सर्वच व्यावसायिक टी20 व टी10 लीगमध्ये खेळताना दिसला.

‌ त्याने आंतरराष्ट्रीय क्रिकेटमधील आपली सेकंड इनिंग 2021 टी20 विश्वचषकात सुरू केली. या विश्वचषकात त्याने नामिबियासाठी पदार्पण केले. या स्पर्धेत त्याने एकहाती नामीबिया संघाला सुपर 12 मध्ये नेले होते. तसेच टी20 विश्वचषक 2022 विश्वचषकातही त्याची कामगिरी सरस राहिली होती. सध्या सुरू असलेल्या विश्वचषकातील पहिल्या सामन्यातही त्याने सुपर ओवरमध्ये दमदार कामगिरी करत नामिबिया संघाला एकमेव विजय मिळवून दिला.

आपल्या निवृत्तीविषयी बोलताना तो म्हणाला, “सध्या माझे वय 39 आहे. पुढील विश्वचषक दोन वर्षांनी असेल. माझ्यात अजून किती क्रिकेट बाकी आहे मला माहित नाही. त्यामुळे आंतरराष्ट्रीय स्तरावर थांबण्याची ही योग्य वेळ आहे. टी20 लीगमध्ये मी उपलब्ध असेल.”

त्याचा आंतरराष्ट्रीय कारकीर्दीवर नजर टाकायची झाल्यास त्याने 15 वनडेत 330 व 15 बळी मिळवले. तर, 54 टी20 मध्ये 624 धावा आणि 59 बळी त्याच्या खात्यावर जमा आहेत.

(David Wiese Retirement From International Cricket After Playing For South Africa And Namibia)