T20 World Cup 2024| भारताचा अखेरचा सामना पाण्यात! कॅनडाविरुद्ध सरावाची संधी हुकली

T20 World Cup 2024|टी20 विश्वचषक 2024 मध्ये भारतीय संघाचा अखेरचा साखळी सामना कॅनडाविरुद्ध (IND vs CAN) होणार होता. मात्र, फ्लोरिडा येथे नियोजित असलेला हा सामना पाऊस व खराब मैदानामुळे रद्द करण्यात आला (IND vs CAN Match Abanded). त्यामुळे भारतीय संघाची सलग चार सामने जिंकण्याची संधी हुकली.

See more

India and Canada share a point each in Florida as match ends without a ball bowled.#T20WorldCup | #INDvCAN pic.twitter.com/1jXhe7rEvS

— ICC (@ICC) June 15, 2024

फ्लोरिडा येथील लॉडरहिल मैदानावर हा सामना होणार होता. मात्र, जोरदार पावसामुळे खराब झालेल्या या मैदानाला अखेरपर्यंत पूर्ववत करण्यात मैदान कर्मचाऱ्यांना अपयश आले. शुक्रवारी (14 जून) यूएसए आणि आयर्लंड यांच्यातील सामना देखील याच कारणाने रद्द करण्यात आलेला.

भारतीय संघाने या सामन्यात एक गुण मिळवत आपल्या गटात सर्वाधिक सात गुण घेत पहिले स्थान पटकावले. तर, युएसए संघाने पाच गुण घेत सुपर 8 मध्ये प्रवेश केला. भारतीय संघाचा सुपर 8 मध्ये अ गटात समावेश आहे. या गटात भारतासह ऑस्ट्रेलिया व अफगाणिस्तान संघाने जागा निश्चित केली आहे. ड गटात दुसऱ्या स्थानी राहणारा संघ देखील याच गटात प्रवेश करेल. बांगलादेश व नेदरलँड्स या स्थानासाठी स्पर्धा करताना दिसत आहेत.

असे असेल भारताचे सुपर 8 वेळापत्रक

20 जून विरूद्ध अफगाणिस्तान

22 जून विरूद्ध बांगलादेश

24 जून विरूद्ध ऑस्ट्रेलिया

(T20 World Cup 2024 IND vs CAN Match Abanded Due To Wet Outfield)