IND vs ZIM : बीसीसीआयने भारतीय संघात अचानक केला बदल, ‘या’ खेळाडूच्या जागी शिवम दुबेला संधी

भारतीय क्रिकेट नियामक मंडळाने (BCCI) 6 जुलैपासून सुरू होणाऱ्या झिम्बाब्वेविरुद्धच्या (IND vs ZIM) पाच सामन्यांच्या टी20 मालिकेसाठी काही दिवसांपूर्वी भारतीय संघाची घोषणा केली होती. आता बीसीसीआयने भारतीय संघात अचानक एक बदल केला आहे. या संघात आता अष्टपैलू शिवम दुबेचा (Shivam Dube) समावेश करण्यात आला आहे. शुभमन गिल (Shubman Gill) या टी20 मालिकेत भारतीय संघाचे कर्णधारपद सांभाळताना दिसणार आहे, ज्यामध्ये पहिला सामना 6 जुलै रोजी हरारेच्या मैदानावर होणार आहे,

नितीश रेड्डीच्या जागी शिवम दुबेला संधी
झिम्बाब्वेविरुद्धच्या या 5 सामन्यांच्या टी20 मालिकेत अनेक युवा खेळाडूंचा भारतीय संघात समावेश करण्यात आला आहे, त्यापैकी एक नितीश रेड्डी होता. नितीश रेड्डीने आयपीएलच्या 17 व्या हंगामात बॅट आणि बॉल दोन्हीसह उत्कृष्ट कामगिरी केली होती. आता रेड्डी दुखापतीमुळे या मालिकेत सहभागी होऊ शकणार नाही. तो आता बीसीसीआयच्या वैद्यकीय पथकाच्या देखरेखीखाली असेल. रेड्डीच्या जागी अष्टपैलू शिवम दुबेला संघात संधी दिली आहे. बीसीसीआयने आपल्या वतीने जारी केलेल्या निवेदनात ही माहिती दिली आहे.

See more

🚨 NEWS 🚨

Shivam Dube replaces Nitish Reddy in the #TeamIndia squad for the series against Zimbabwe. #ZIMvIND

Details 🔽https://t.co/WMktNAIDIx

— BCCI (@BCCI) June 26, 2024

झिम्बाब्वेविरुद्धच्या टी20 मालिकेसाठी असा आहे भारतीय संघ –
शुभमन गिल (कर्णधार), यशस्वी जयस्वाल, ऋतुराज गायकवाड, अभिषेक शर्मा, रिंकू सिंग, संजू सॅमसन (यष्टीरक्षक), ध्रुव जुरेल (यष्टीरक्षक), रियान पराग, वॉशिंग्टन सुंदर, रवी बिश्नोई, आवेश खान, खलील अहमद, मुकेश कुमार, तुषार देशपांडे, शिवम दुबे.

झिम्बाब्वे विरुद्ध भारतीय संघाच्या टी20 मालिकेचे संपूर्ण वेळापत्रक –
पहिला टी20 सामना – 6 जुलै (हरारे, दुपारी 4:30 वाजता)
दुसरा टी20 सामना – 7 जुलै हरारे, दुपारी 4:30 वाजता)
तिसरा टी20 सामना – 10 जुलै हरारे, दुपारी 4:30 वाजता)
चौथा टी20 सामना – 13 जुलै हरारे, दुपारी 4:30 वाजता)
पाचवा टी20 सामना – 14 जुलै हरारे, दुपारी 4:30 वाजता)