Maharashtra State Kabaddi Championship 2024: बालेवाडी येथील श्री शिवछत्रपती स्पोर्ट्स कॉम्प्लेक्स येथे झालेल्या 71 व्या महाराष्ट्र कबड्डी अजिंक्यपद स्पर्धेत (71 th Maharashtra State Kabaddi Championship 2024) पुणे ग्रामीण संघाने (Pune Gramin Kabaddi Team) दुहेरी मुकुट पटकावला. पुरुष संघाने अहमदनगरचा तर, महिला संघाने रत्नागिरीचा पराभव केला.
सतेज कबड्डी संघ व बाबुराव चांदेरे सोशल फाउंडेशन यांच्या वतीने आयोजित केलेल्या या स्पर्धेत पुणे ग्रामीण व अहमदनगर हे पुरुष गटाच्या अंतिम फेरीत पोहोचले होते. या दोन्ही अनुभवी संघातील लढत जोरदार झाली. पूर्ण वेळेनंतर सामना बरोबरीत सुटला. त्यानंतर दोन्ही संघांना प्रत्येकी पाच रेड मारण्याची संधी मिळाली. इथे देखील दोन्ही संघ बरोबरीत राहिल्याने अखेर निर्णय गोल्डन रेडवर झाला. यामध्ये पुणे संघाने बाजी मारत विजेतेपद पटकावले.
महिला गटाच्या अंतिम सामन्यात पुणे ग्रामीण व प्रथमच अंतिम फेरीत खेळत असलेल्या रत्नागिरी यांच्यात सामना झाला. पुणे संघाने शानदार कामगिरी करत रत्नागिरीला पराभूत करत विजेतेपद जिंकले.
(Maharashtra State Kabaddi Championship Pune Gramin Won Both Titles)
