IPL 2024 Playoffs| रॉयल्स-केकेआर सामना पाण्यात, पाहा प्ले ऑफ्सचे पूर्ण टाइमटेबल

आयपीएल 2024 च्या 70 साखळी सामन्यानंतर आता आयपीएल 2024 प्ले ऑफ्सचे (IPL 2024 PlayOffs) संघ आणि सामने निश्चित झाले आहेत. अखेरचा साखळी सामना कोलकाता नाईट रायडर्स विरुद्ध राजस्थान रॉयल्स यांच्या दरम्यान गुवाहाटी येथे खेळला जाणार होता. मात्र, या सामन्यात पावसाने दखल दिल्यानंतर एकाही चेंडूचा खेळ नव्हता सामना रद्द करण्यात आला. त्यामुळे आता प्ले ऑफ्सचे चित्र अधिक स्पष्ट झालेले आहे.

See more

IPL poster for KKR and SRH. pic.twitter.com/kQ583c9Wv9

— Mufaddal Vohra (@mufaddal_vohra) May 19, 2024

साखळी फेरीतील सर्वात यशस्वी संघ ठरलेल्या कोलकाता नाईट रायडर्सने 14 पैकी नऊ सामन्यात विजय मिळवत तसेच पावसामुळे रद्द झालेल्या दोन सामन्यातील दोन गुण घेऊन सर्वाधिक 20 गुणांसह अव्वल स्थान कायम राखले. दुसऱ्या स्थानी 17 गुणांसह सनरायझर्स हैदराबाद संघ राहिला. राजस्थान रॉयल्सचे देखील 17 गुण असले तरी सरस धाव गतीच्या जोरावर हैदराबाद संघाने दुसरे स्थान पटकावत क्वालिफायर 1 मध्ये आपली जागा पक्की केली. केकेआर विरुद्ध हैदराबाद हा पहिल्या क्वालिफायरचा सामना 21 मे रोजी अहमदाबाद येथील नरेंद्र मोदी स्टेडियमवर खेळला जाईल. या सामन्यातील विजेता थेट अंतिम फेरीत दाखल होईल.

पहिल्या नऊ पैकी आठ सामन्यात विजय मिळवल्यानंतरही सलग चार पराभव स्वीकारावे लागल्याने राजस्थान रॉयल्सची तिसऱ्या क्रमांकावर घसरण झाली. ते आता एलिमिनेटर सामन्यात रॉयल चॅलेंजर्स बंगळुरूविरुद्ध 22 मे रोजी अहमदाबाद येथे खेळतील. या सामन्यात पराभूत होणारा संघ स्पर्धेतून बाहेर पडेल. तर, विजेत्या संघाला क्वालिफायर 2 मध्ये खेळण्याची संधी मिळेल.

क्वालिफायर 2 मध्ये क्वालिफायर एकचा पराभूत संघ व एलिमिनेटर सामन्याचा विजेता भिडतील. हा सामना 24 मे रोजी चेन्नई येथील एम चिदंबरम स्टेडियमवर होईल. तर अंतिम सामना 26 मे रोजी याच मैदानावर खेळला जाईल.

(IPL 2024 Playoffs Timetable KKR And SRH Play Qualifier 1 Rajasthan Royals RCB In Eliminater)